ERNESTUS Joh.

I.

Joh. ERNESTUS

fil. Ioh. Saxoniae Ducis e linea Ulnariensi; literis, et armis egregie ornatus, magnique animi Princeps, suo fratrumqueve nomine regimen suscepit A. c. 1615. Militarem operam Friederico Palatino Bohemiae Regi Pragae A. C. 1620. Batavis (a quibus Confess. Aug. liberum exercitium Amstelodami impetravit) Hagae A. C. 1621. inde Danis A.C. 1625. adversus Caesarem addixit, sumpto legato Fuchsi.Sequente Anno Osnabrugam, Furstenaviam. Widenburgam cepit. Mox facta cum mansfeldio per Marchiam irruptione, multa in Silesia occupavit. Tum in Hungaria Bethlenio iunctus, sed brevi ab eo discors, Martini Fani in Hungaria obiit, proscriptionem morte suâ antevertens. Ex eius fratribus, quos complures habebat; Bernhardus Brisaci victor, celeberrimus nostri aevi Ducum evasit: Vilhelmus, et Ernestus, genus propagavêre; ille Vinariensis lineae continuator, hic novae Gothanae conditor. Vilhelmi fil. Ioh. Ernestus Vinariae habitat.

II.

Joh. ERNESTUS

fil. minor natu Ioh. Elect. Ernesto priore genit, e fratris Ioh. Friderici Elect. tutela egressus, commune regimen cum eo aliquandiu gessit, partem dein Franconicam A. C. 1542 nactus, Coburgi habitavit. Bello Smalcaldico Caesari, ut fratris vitae consuleretur, Wittebergam tradidit. Item fil. Ioh. Friderici modo memorati, qui ante Patrem decessit.

III.

Joh. ERNESTUS

fil. natu minor Ioh. Friderici II. cum fratre Ioh. Casimiro in gratiam, quâ ob turbas a Patre datas exciderant, Comitiis Spirensibus receptus A. C. 1570. Marcsulae primum, dein Isenaci sedem habuit, ubi mansit etiam cum Fratri succederet. Ceterum simplicioris ingenii Princeps, Electori Saxoniae gratissimus exstitit: Exstinctus sine prole A. C. 1638.